Cwestiynau Cyffredin

Cymerwyd gofal i sicrhau bod yr atebion a roddir i’r cwestiynau cyffredin hyn yn gywir. Fodd bynnag, nid ydym yn derbyn cyfrifoldeb am gamgymeriadau. Peidiwch â defnyddio’r wybodaeth hon i ddiystyru unrhyw gyngor cyfreithiol, nac i ohirio derbyn cyngor neu gynrychiolaeth gyfreithiol oherwydd unrhyw ddeunydd sydd wedi’i gynnwys yn y wybodaeth.

1 2 3 >

Rwy’n fenyw 63 oed ac yn gweithio mewn siop lle maent yn dweud bod yn rhaid i mi wisgo cap pêl fas ar lawr y siop. I berson o’m hoed i, credaf fod yr eitem hon yn hollol amhriodol o ran oedran ac mae’n gwneud i mi deimlo’n wirion ac yn codi cywilydd arnaf bob dydd. Rwyf wedi siarad gyda’m rheolwyr am y mater hwn a chredaf fy mod yn dioddef gwahaniaethu ar sail oedran; mae gan bawb yr hawl i gadw eu hurddas yn y gweithle. Yn anffodus, mae fy nghyflogwr wedi dod i’r casgliad bod yr eitem hon yn rhan o’r wisg ar gyfer yr adran hon ac wedi gwrthod gadael i mi beidio ei gwisgo neu wisgo rhywbeth mwy priodol. Beth yw fy hawliau fel gweithiwr? Alla i gael fy ngorfodi i wisgo iwnifform sy’n ddiraddiol neu’n oedraniaethol yn fy marn i neu a yw’r ddeddfwriaeth gwahaniaethu ar sail oedran yn fy amddiffyn?

Dywedodd fy nghyflogwr bod yn rhaid i mi gael archwiliad meddygol blynyddol gan fy mod yn 60 oed bellach er mwyn gweld a wyf yn gallu gwneud y gwaith o hyd. A all wneud hyn mewn gwirionedd?

Cefais wybod gan fy nghyflogwr y byddaf yn colli’r diwrnodau gwyliau ychwanegol a buddiannau eraill sy’n gysylltiedig â gwasanaeth rwy’n eu derbyn am weithio i’r cwmni ers dros 10 mlynedd oherwydd nad ydynt yn gyfreithlon bellach o dan y gyfraith newydd. A yw hynny’n wir?

A yw’r ddeddfwriaeth yn cynnwys ymddeol hyblyg?

O dan y ddeddfwriaeth, a fydd yn rhaid i mi weithio tan y byddaf yn 65 oed neu a fyddaf yn gallu ymddeol yn iau na 65oed?

Rwy’n 61 oed a dywedwyd wrthyf yn y cyfweliad pe bawn i’n cael y swydd roeddwn i’n ymgeisio amdani y byddwn i’n rhy hen i ymuno â’r cynllun pensiwn. A yw hyn yn gywir?

Mae’r cwmni yn dweud ei fod yn cadw ei oedran ymddeol yn 60 ond roeddwn i’n credu bod y gyfraith newydd yn cyflwyno oedran ymddeol o 65 sy’n orfodol i gyflogwyr. Rwy’n agosáu at fy mhen-blwydd yn 60 ac am barhau i weithio. Beth alla i wneud am hyn?

Mae fy nghyflogwr yn gweithredu bonws ‘teyrngarwch’ o dri diwrnod ychwanegol o wyliau â thâl ar ôl pum mlynedd o wasanaeth a phedwar diwrnod o wyliau â thâl ar ôl 10 mlynedd o wasanaeth. A yw hyn yn gyfreithlon?

Cyflwynais gŵyn am wahaniaethu ar sail oedran yn erbyn fy nghyn-gyflogwr. Penderfynais beidio â chyflwyno hawliad, ac ymddiswyddais a symud i swydd newydd. Roedd pethau’n mynd yn dda, ond methais fy nghyfnod prawf tri mis ac fe’m diswyddwyd gydag wythnos o rybudd. Yn ôl pob sôn, roedd fy nghyflogwr newydd wedi clywed am fy nghwyn gwahaniaethu ar sail oedran yn erbyn fy nghyn-gyflogwr ac am gael gwared arna i. Alla i gyflwyno achos ynglŷn â hyn?

Rwy’n weithiwr hŷn ac wedi fy niswyddo ynghyd â 15 gweithiwr arall. Nid wyf wedi arwyddo cytundeb cyfaddawd. Dim ond i staff dan 35 oed a ddiswyddwyd y cynigodd fy nghyn gyflogwr wasanaethau lleoliad allanol. Rwyf wedi bod gyda’r un cyflogwr am 15 mlynedd a byddai hyn wedi bod yn gymorth gwirioneddol i mi. Nid wyf wedi canfod swydd arall eto. Alla i wneud unrhyw beth, er nad wyf yn weithiwr cyflogedig bellach?